İDRAK MƏKTƏBİ

Elcan İsgəndərli

II Dünya müharibəsində Azərbaycandan 600 minə qədər əsgər müharibəyə çağırılmışdır. Onların yarısından çoxu həlak olmuş və itkin düşmüşdür.Bu savaşda mənim ulu babam Bünyatov Abbasqulu da iştirak etmişdir.

O, 1942-ci ildə Ermənistanın Vedi rayonundan əsgərliyə çağırılmışdır. Qoca nənəm deyirdi ki, ondan tək bir məktub gəlmişdir və sonralar ondan xəbər olmadığı üçün o itkin düşmüşdür.

Nənəmin qardaşı Soltan da bu müharibədə həlak olmuşdur. Nənəm dünyasını dəyişənə qədər itkin düşmüş babamdan bir xəbər gözləyirdi.

Azərbaycanda elə bir ailə yox idi ki, orada bu müharibənin yarası olmasın və üzərindən 65 il keçməsinə baxmayaraq bu yaralar hələ çox yada düşərək ağrıyacaq.